Chestnuts and Red Plums

The Our Lady of Fatima Parish at Don Carlos Revilla Village, Pasay City

Isang replika ng Poong Nazareno na nakasuot ng damit na ipinanggayak din sa orihinal na poon sa Quiapo

*******

Nang minsang namili ako sa Liana’s sa Taft Rotonda dito sa Pasay, nagulat ako nang madatnan sa isang bahagi ng department store nito sa second floor kung saan walang gaanong tao ang nagagawi, merong tray sa ibabaw ng istante ng hardware supplies ang may naka-displey na mga casette tapes na ibinebenta! Ano kayang naisip ng mga namamahala at inilabas nila ang mga ito mula sa matagal na pagkaka-imbak sa bodega nila? Tapos ang presyo ay naglalaro mula higit 50 hanggang 75 pesos samantalang wala na halos mabiling casette player (ewan lamang doon sa Raon sa Quiapo at pati antique shops) at pati nga portable CD players ay bihira rin sa mga bilihan ng appliances! Para bang ‘clearance sale’ na lang maubos lang ang stock at mangilan-ngilan na lamang ang mapagpipiliang album titles at ang year of manufacture pa ng mga tapes ay buhat pa noong later half of the ‘90s to 2001! Wala na ba silang iba pang album? Tamang-tama at dito sa bahay, meron kaming portable radio and CD player na meron din casette na binili noon sa ukay-ukay (thrift shop) ng Japanese items at nasa mainam pang kondisyon. Iniingatan pa rin namin ang aming koleksyon ng tapes buhat pa noon, ano? At ang mga nabili kong tapes ay sadyang naghintay ng higit sa dalawang dekada bago napatugtog! At ang ganda pa rin ng sounds!

*******

May napakinggan na naman akong isang magandang kwento na di ko malimutan. Nagsimba kami noon na isang maaliwalas na araw ng Linggo sa Our Lady of Loreto Chapel at ang pari ay nagkwento bilang bahagi ng kanyang homily. Ang ganda ng kwento. Allegory ito tungkol sa plano ng Panginoon para sa atin. 

Noong unang panahon sa Palestine, tatlong munting punungkahoy ay nagsipagsibol sa isang kakahuyan. Bawat isa sa kanila ay nagsalaysay ng kani-kanilang pangarap. Ang unang puno ay nangarap na kapag naging matayog na siya upang buwalin at pakinabangan ng mga tao, nais niyang maging bahagi ng magarang mansyon ang kanyang katawan at dito maninirahan nang marangya ang isang makapangyarihang pamilya. Ang ikalawa naman ay naglahad na balang araw, ang katawan niya ay magiging matatag na haligi ng isang malaking barko kaya lahat ng mga tao sa pantalan ay mapapatingala sa kanya at kung saan-saang panig ng mga karagatan sa mundo ang kanyang mararating. Ang ikatlo naman ay nag-ambisyong darating ang araw na iyon na magiging bahagi raw siya ng isang “pambihirang pagtatanghal” na siyang pag-uusapan ng lahat ng tao at magiging tanyag daw siya dahil doon.

Lumipas ang mga panahon at ang mga puno ay nagsipaglaki hanggang sa hustong gulang na nila upang magamit ng mga tao. Ang unang puno ay pinutol at mula sa troso nito ay ginawa ang isang sabsaban at kulungan ng mga alagang hayop ng mga pastol sa Bethlehem; isang malamig na gabi, dumating doon ang isang mag-asawa at isinilang ang Sanggol na nang lumaki ay naging mahusay na karpintero tulad ng Kanyang ama-amahan. Ang ikalawang puno naman ay dinala sa Galilea upang gawing bangka; bukod sa ginagamit sa paglalayag at pangingisda sa lawa, sumakay doon ang Guro upang makalayo pansamantala sa labis nang paglapit sa Kanya ng napakaraming tao na nakikinig sa Kanyang pangaral at umaasa sa Kanyang pagpapagaling sa kanila. At ang ikatlong puno naman, nang pinutol ay dinala sa Jerusalem upang gawing mga krus. At sa isa sa mga krus na ito, ipinako ang Panginoon.

*******

Buhat pa noong isang araw ay nag-aalboroto na ang Bulkang Mayon. Spectacular man ang masilayan ang lava fountain and flow nito lalo na sa gabi, deadly beauty pa rin. At libu-libong tao na ang naapektuhan, di lang mga tao kundi lahat ng nilalang na may buhay. 2003 pa iyon nang una kong masilayan nang personal ang pambihirang kagandahan ni Daragang Magayon. Kailan kaya uli? Sana, sa muling pagkakataon ay payapa na muli ang Mayon.

*******

Special tribute edition of Playboy Philippines dedicated to our grand old man, Hugh M. Hefner. What an issue!

*******

Extra!

Kung isang Ilonggo ang tatanungin, ang ibig sabihin ng ‘damak’ ay marumi, dugyot, o salaula. Kung mga Turkish nationals ang tatanungin, ano kaya ang ibig sabihin sa kanilang wika ng brand name na ito ng Nestlé Chocolate with irresistible pistachios?

*******

“Grand Gallery of Manila Trip and the Super Blue Blood Moon of January 31”

Inside the Malate Church

The Malate Pieta: In memory of the people who perished during World War II and the Liberation of Manila 1945

The statue of the Comfort Woman at Baywalk

Rajah Sulayman Park

The Sto. Niño procession at Roxas Boulevard since it was the last Sunday of January

“Signs of the Times” – pinapansin ba naman? Sa kahabaan ng ruta ng parada, ang mga tao ay literally naglalakad sa ‘carpet’ ng mga ikinalat nilang basura. Sana naman sa sunod na taon, isa sa mga Santo Niño na lalahok sa parada ay bihisan bilang militant environmentalist and advocate of Manila Bay rehabilitation and clean-up.

*******
The phenomenal, once in a lifetime, super blue blood moon!

Looks rather like the biscuit moon, I guess.